WordPress.org

ئۇيغۇرچە

Ready to get started?Download WordPress

ئەسسالامۇئەلەيكۇم، خۇش كېلىپسىز

Localized version screenshot

WordPress گۈزەللىك، تور ئۆلچىمى ۋە ئىشلىتىشكە قولايلىق بولۇشقا ئەھمىيەت بېرىلىپ ياسالغان شەخسىي ئۇچۇر نەشرىيات سۇپىسى. ئۇنىڭ ئۆزى ھەقسىز يۇمشاق دېتال بولسىمۇ، لېكىن ئۇنىڭ قىممىتىنى پۇل بىلەن ئۆلچىگىلى بولمايدۇ.

WordPress ئارقىلىق مۇكەممەل تور بېكەت قۇرغىلى بولىدۇ. ئۆزگىچە ئۇسلۇبتىكى شەخسىي بىلوگ ياساشقا تېخىمۇ ماس كېلىدۇ.

قېنى، سىزمۇ WordPress نى ئىشلىتىپ ئۆز تور بېكىتىڭىزنى ياساپ كۆرۈپ بېقىڭ.

چۈشۈرۈش

  • WordPress نىڭ ئەڭ يېڭى ئۇيغۇرچە نەشرىنى ئوڭ تەرەپتىكى چۈشۈرۈش ئۇلانمىسىدىن چۈشۈرۈڭ.
  • ئۇيغۇرچە تىل بولىقى (ug_CN.po ۋە ug_CN.mo) نىلا چۈشۈرمەكچى بولسىڭىز بۇ يەر ۋە بۇ يەرنى چېكىڭ.
  • ئىنگىلىزچە نەشرىنى بۇ يەردىن چۈشۈرۈڭ.

مىساللار

تەۋسىيەلىك ئىشلەش مۇھىتى

قاچىلاش

  1. پىرېسلانغان WordPress ھۆججىتىنى بىر قۇرۇق مۇندەرىجىگە قويۇپ پىرېستىن يېشىپ، ھەممىنى مۇلازىمىتېرىڭىزغا يۈكلەڭ.
  2. تور كۆرگۈچىڭىزدە wp-admin/install.php نى ئېچىڭ. بۇنىڭدا ساندان ئۇلىنىش ئۇچۇرلىرىڭىز ئاساسىدا بىر wp-config.php سەپلىمە ھۆججىتى قۇرىدىغان مەشغۇلاتقا يۆتكىلىسىز.
    • بەزى سەۋەبتىن بۇ مەشغۇلات ئوڭۇشلۇق بولمىسىمۇ ئەندىشە قىلماڭ. بۇ مەشغۇلاتنىڭ بارلىق مۇلازىمېتىرلاردا ئىشلەپ كېتىشى ناتايىن. غول مۇندەرىجە ئاستىدىكى wp-config-sample.php ھۆججىتىنى خالىغان بىر تېكىست تەھرىرلىگۈچتە ئېچىپ، ئىچىدىكى ساندان ئۇلىنىش ئۇچۇرلىرىنى تولدۇرۇپ چىقىڭ.
    • بۇ ھۆججەتنى wp-config.php نامىدا ساقلاپ مۇلازىمىتېرىڭىزغا يۈكلەڭ.
    • تور كۆرگۈچىڭىزدە wp-admin/install.php نى ئېچىڭ.
  3. سەپلىمە ھۆججىتى تەييار بولغاندىن كېيىن قاچىلاش پىروگراممىسى بىلوگىڭىزغا لازىملىق ساندان جەدۋەللىرىنى ئاپتوماتىك قۇرۇپ چىقىدۇ. ئەگەر خاتالىق كۆرۈلسە، wp-config.php ھۆججىتىدىكى ساندانغا لازىملىق ئۇچۇرلارنى تەپسىلىي تەكشۈرۈپ، قايتا سىناپ بېقىڭ. يەنىلا ئوڭۇشلۇق بولمىسا قوللاش مۇنبىرى (ئىنگلىزچە) دىن ھەل قىلىش ئۇسۇلىنى ئىزدەپ كۆرۈڭ.
  4. بىرەر پارول كىرگۈزمىگەن بولسىڭىز، سىزگە ئاپتوماتىك ھاسىل قىلىنغان پارول بېرىلىدۇ. ئىشلەتكۈچى نامىنى ئۆزگەرتمىگەن بولسىڭىز، سۈكۈت قىممىتى بويىچە admin قىلىپ بېكىتىلىدۇ.
  5. ئەمدى قاچىلاش پىروگراممىسى سىزنى كىرىش بېتىگە باشلاپ بارىدۇ. قاچىلاش جەريانىدا تاللىغان ئىشلەتكۈچى نامىڭىز ۋە پارولىڭىز ئارقىلىق باشقۇرۇش بېتىگە كىرىڭ. ئاپتوماتىك ھاسىل قىلىنغان پارولدا كىرگەن بولسىڭىز، شەخسىي ئارخىپىڭىزدىن ئۆزگەرتىۋالسىڭىز بولىدۇ.

بلوگ

WordPress 3.8 ئۇيغۇرچە نەشرى تارقىتىلدى

2013-يىل 12-ئاينىڭ 14-كۈنى

WordPress 3.8 ئۇيغۇرچە نەشرى چۈشۈرۈشكە تەييارلاندى، ياكى سىز WordPress باشقۇرۇش تاختىسىدىن يېڭىلىۋالسىڭىز بولىدۇ. مۇزىكانت چارلىز.پاركېر (Charlie  Parker) نى خاتىرىلەش ئۈچۈن بۇ نەشرىنىڭ نامىنى «Parker» دەپ ئاتىدۇق. ھازىرغا قەدەر ئەڭ ئېسىل بىر قېتىملىق يېڭىلىنىش ئىكەن دېيىشىڭىزنى ئۈمىد قىلىمىز. 2013-يىلى WordPress ئۈچۈن زور ھوسۇللۇق يىل بولدى دېيىشكە بولىدۇ، چۈنكى بۇ بىر يىل ئىچىدە 3.6، 3.7 ۋە 3.8 […]

WordPress 3.5 ئۇيغۇرچە نەشرى تارقىتىلدى

2013-يىل 1-ئاينىڭ 25-كۈنى

WordPress 3.5 ئىنگلىزچە نەشرى 2012- يىلى 11- دېكابىردا تارقىتىلغان ئىدى. ئۇنىڭدا بايقالغان 37 تۈرلۈك خاتالىق تۈزىتىلگەندىن كېيىن بۇ يىل 24- يانۋاردا 3.5.1 نەشرىگىمۇ يېڭىلىنىپ بولدى. گەرچە 3.5 نەشرىنىڭ ئۇيغۇرچە تەرجىمىسى ئىنگلىزچە نەشرى بىلەن تەڭ دېگۈدەكلا تەييار بولغان بولسىمۇ، لېكىن تۈرلۈك ئالدىراشلىقلار سەۋەبىدىن ئۇيغۇرچە نەشرىنىڭ تارقىتىلىشى بۈگۈنگىچە سۈرۈلۈپ كەتتى. شۇ سەۋەپلىك كەڭ ئىشلەتكۈچىلەردىن سەمىمىي كەچۈرۈم سورايمىز. […]

WordPress 3.4.1 ئۇيغۇرچە نەشرى تارقىتىلدى

2012-يىل 6-ئاينىڭ 28-كۈنى

WordPress 3.4 نەشرى تارقىتىلىپ ئىككى ھەپتە ئىچىدىكى چۈشۈرۈلۈش قېتىم سانى ئۈچ مىليوندىن ئاشتى. بۇ ئىككى ھەپتە ئىچىدە بايقالغان بىر قىسىم خاتالىقلار تۈزىتىلىپ تەييارلانغان 3.4.1 نەشرى بۈگۈن تارقىتىلغان ئىدى. ئۇيغۇرچە نەشرىنىمۇ تېزلا پۈتتۈرۈپ تارقاتتۇق. باشقۇرۇش بېتىڭىزدە 3.4.1 نەشرىگە ئاپتوماتىك يېڭىلىۋېلىڭ. بۇ نەشرىدە ئاساسلىقى ئالدىنقى نەشرىدىكى 18 تۈرلۈك مەسىلە تۈزىتىلگەن. ئۇيغۇرچە تەرجىمىسىدە باشقا ئۆزگىرىش يوق. تەپسىلاتىنى ئىنگلىزچە […]

ۋوردپرەس 3.4 ئۇيغۇرچە نەشرى ھەققىدە

2012-يىل 6-ئاينىڭ 19-كۈنى

ۋوردپرەس 3.4 نەشرى 14- ئىيۇندا تارقىتىلغاندىن باشلاپ ھازىرغىچە بولغان بەش كۈن ئىچىدە، ھەر خىل تىللاردىكى ئومۇمىي چۈشۈرۈلۈش قېتىم سانى بىر مىليون 360 مىڭدىن ئېشىپ كەتتى. ئۇيغۇرچە نەشرىمۇ 1400 قېتىم چۈشۈرۈلدى. ئارىلىقتا بۇ نەشرىنىڭ ئالاھىدىلىكلىرىدىن تورداشلارغا مەلۇمات بېرىشنى ئويلاشقان بولساقمۇ، ۋاقىت قىس بولغاچقا كەينىگە سۆرىلىپ كەتتى. بۈگۈن مانا ئاخىرى، يۈزەكى بولسىمۇ قىسقىچە مەلۇمات تەييارلاشقا مۇۋەپپەق بولدۇق. […]

ۋوردپرەس 3.4 ئۇيغۇرچە نەشرى تارقىتىلدى

2012-يىل 6-ئاينىڭ 14-كۈنى

بۈگۈن ۋوردپرەس 3.4 ئىنگلىزچە نەشرى تارقىتىلىپ 10 سائەتتىن ئاشقاندا ئۇنىڭ ئۇيغۇرچە نەشرىمۇ تەييار بولۇپ، ئورگان تورىدا رەسمىي تارقىتىلدى. ئورگان تورىدىكى چۈشۈرۈش ئادرېسى: https://ug.wordpress.org/wordpress-3.4-ug_CN.zip بۇ نەشرىدە ئاساسلىقى ئۇسلۇب خاسلاشتۇرۇش ئىقتىدارى تەمىنلەنگەن. ئىچكى قىسىمدىكى كودلار ئەلالاشتۇرۇلۇپ، تەرجىمە ئۇچۇرلىرى تەرتىپكە سېلىنغان. بۇ ئارقىلىق ئېچىلىش سۈرىتى كۆرۈنەرلىك تېزلىتىلگەن. ئۇيغۇرچە تەرجىمىدىمۇ ئۆزگىرىشلەر بىر قەدەر كۆپ بولۇپ، يېڭىدىن قوشۇلغان سوز- جۈملىلەر […]

ۋوردپرەس 3.3.1 ئۇيغۇرچە نەشرى تارقىتىلدى

2012-يىل 1-ئاينىڭ 4-كۈنى

ۋوردپرەس 3.3 نەشرىدىكى بىر قىسىم خاتالىقلار تۈزىتىلىپ تەييارلانغان 3.3.1 نەشرى بۈگۈن تارقىتىلغان ئىدى. ئۇيغۇرچە نەشرىنىمۇ 10 سائەت ئىچىدىلا تارقىتىشقا مۇۋەپپەق بولدۇق. باشقۇرۇش بېتىڭىزدە 3.3.1 نەشرىگە ئاپتوماتىك يېڭىلىۋېلىڭ. بۇ نەشرىدە ئاساسلىقى ئالدىنقى نەشرىدىكى 15 تۈرلۈك مەسىلە تۈزىتىلگەن. ئەسلى نەشرى ۋە ئۇيغۇرچە تەرجىمىسىدە باشقا ئۆزگىرىش يوق. تەپسىلاتىنى بىلەي دېسىڭىز ئىنگىلىزچە بەتنى كۆرۈپ باققايسىز.

ۋوردپرەس 3.3 ئۇيغۇرچە نەشرى ھەققىدە

2011-يىل 12-ئاينىڭ 15-كۈنى

ۋوردپرەسنىڭ 3.0 دىن كېيىنكى نەشرلىرى ھازىرغىچە 65 مىليون قېتىمدىن ئارتۇق چۈشۈرۈلگەن. ئۇنىڭ 3- چوڭ ئۆزگەرتىلىشى بولغان 3.3 نەشرىنىڭ چۈشۈرۈلۈش قېتىم سانىمۇ ئىككى كۈن ئىچىدىلا 600 مىڭ قېتىمدىن ئېشىپ كەتتى. ھازىرمۇ سېكۇنتىغا 4 قېتىملىق سۈرئەت بىلەن چۈشۈرۈلمەكتە. https://wordpress.org/download/counter/ 3.3 نەشرىدە ئاساسلىقى يول باشلاش، يۈكلەش، ئىمپورتلاش قاتارلىق تەرەپلەردە ئىشلەتكۈچىلەرنى يېڭى تەجرىبىلەرگە ئېرىشتۈرۈش ئەمەلگە ئاشۇرۇلغان. ۋوردپرەسكە كۆنۈپ كەتكەن […]

ۋوردپرەس 3.3 ئۇيغۇرچە نەشرى تارقىتىلدى

2011-يىل 12-ئاينىڭ 14-كۈنى

ۋوردپرەس 3.3 ئىنگىلىزچە نەشرى تارقىتىلىپ ئىككى سوتكا ئۆتكەندە ئۇيغۇرچە نەشرى ئورگان تورىدا رەسمىي تارقىتىلدى. 3.3 ئىنگىلىزچە نەشرىدىكى تەپسىلىي ئۆزگەرتىشلەرنى ۋاقتىنچە ئورگان تورىنىڭ ئىنگلىزچە بىلوگىدىن كۆرۈپ تۇرغايسىلەر. https://wordpress.org/news/2011/12/sonny/ 3.3 نەشرىنىڭ ئۇيغۇرچە تەرجىمىسىدە تۈزىتىلگەن ئورۇنلار خېلى كۆپ. ئاساسلىقلىرىدىن: خەت نۇسخىسى Microsoft Uighur نى ئۆز ئىچىگە ئالغان بەش خىل فونتقا توغرىلاندى. خەت نۇسخىسى ھۆججىتى ئاپتوماتىك يېڭىلىنىدىغان قىلىندى. UKIJ […]

ۋوردپرەس 3.2.1 ئۇيغۇرچە نەشرى تارقىتىلدى

2011-يىل 7-ئاينىڭ 13-كۈنى

بۈگۈن ۋوردپرەسنىڭ 3.2.1 ئۇيغۇرچە نەشرى ئورگان تورىدا تارقىتىلدى. ۋوردپرەسنىڭ 3.2 نەشرىدە بەتنىڭ ئېچىلىش- ئىجرا بولۇش سۈرئىتى زور دەرىجىدە تېزلەشتۈرۈلگەن، «ئىككى مىڭ ئون بىر» نامىدىكى يېڭى كۆڭۈلدىكى ئۇسلۇب قوللىنىلغان، تولۇق ئېكراندا تەھرىرلەش قاتارلىق يېڭى ئىقتىدارلار قوشۇلغان، باشقۇرۇش بېتىنىڭ ئورۇنلاشتۇرۇلۇشى ۋە رەڭگى يېڭىلانغان، IE6 نى قوللاش توختىتىلغان، PHP ۋە MySQL غا بولغان تەلىپى ئاشۇرۇلغان بولۇپ، بۇ نەشرىدىكى […]

ۋوردپرەس 3.2 كاندىدات نەشرى تارقىتىلدى

2011-يىل 6-ئاينىڭ 21-كۈنى

سۈرئىتى تېزلەشتۈرۈلگەن ۋە بىر قىسىم يېڭى ئىقتىدارلار قوشۇلغان ۋوردپرەس 3.2 نەشرىنى كۈتۈپ تۇرۇۋاتقان تورداشلار ئاز بولمىسا كېرەك. گەرچە 3.2 نەشرىنىڭ 1- سىناق نەشرى 12- مايدا، 2- سىناق نەشرى 25- مايدا، 1- كاندىدات تارقىتىلما نەشرى 14- ئىيۇندا ئىنگلىزچە تارقىتىلغان بولسىمۇ، ئالدىنقى ئىككى قېتىملىق سىناق نەشرى ئۇيغۇرچىنى تولۇق قوللىمىغاچقا تەرجىمىسى تارقىتىلمىغان ئىدى. بۇ قېتىم كەڭ تورداشلارنىڭ جىددىي […]