ۋوردپرەس 2.9 ئۇيغۇرچە نەشرى

بۈگۈن ۋوردپرەسنىڭ 2.9 ئۇيغۇرچە نەشرى تارقىتىلدى.
ھەر قېتىمقىغا ئوخشاشلا، بۇ نەشرىمۇ ئىنگىلىزچە نەشرىدىن كېيىنرەك تارقىتىلدى.
كۆپچىلىكنىڭ چۈشۈرۈپ سىناپ كۆرۈپ، پىكىر- تەكلىپلىرىنى بېرىشىنى قىزغىن قارشى ئالىمىز.
بىرەر مەسىلە بايقىسىڭىز ئۈستى تەرەپتىكى «ئالاقە» بېتى ئارقىلىق بىزگە يەتكۈزۈپ قويۇشىڭىزنى، ياكى ۋوردپرەس مۇنبىرىگە يوللاپ قويۇشىڭىزنى تەۋسىيە قىلىمىز.

8 thoughts on “ۋوردپرەس 2.9 ئۇيغۇرچە نەشرى

  1. ئوخوي، مۇبارەك بولسۇن، قىممەتلىك ئىشتىن توختاپ قالماپسىلەر، خۇدايىم ئەمگىكىڭلارنىڭ مىۋىسىنى بەرگەي.
    مېنىڭ بىر سوئالىم بار ئىدى، بۇ بىلوگدا ھازىر مۇنبەر دېگەن بىر ئىقتىدار پەيدا بولۇپ قاپتۇ، بۇ ۋوردپرەسكە يېڭى قوشۇلغان ئىقتىدار ئوخشىمامدۇ؟ مەن كۆرۈپ تازا بىلەلمىدىم، ۋوردپرەسنىڭ مۇنبەر ئىقتىدارى قانداقراق؟ چۈنكى مەن يېقىندا http://code.google.com/p/uighur-phpbb/ بۇ جايدىن ئۇيغۇرچىغا تەرجىمە قىلىنغان phpbb3 مۇنبىرىنى تاپقانتىم، ئۇنىڭمۇ مۇنبەر ئىقتىدارى بولىدىغاندەك قىلىدۇ، مۇنبەر قۇرۇش ئۈچۈن قايسىسىنى ئىشىلتىشىم كېرەك؟ مالال كۆرمەي چۈشەندۈرۈپ قويغان بولسىڭىز. سىزگە كۆپتىن – كۆپ رەھمەت!

  2. ئەسسالامۇ ئەلەيكۇم،
    ئالدى بىلەن ۋوردپرەسنى ياقتۇرۇپ ئىشلەتكىنىڭىزگە كۆپتىن كۆپ رەھمەت ئېيتىمىز.
    سىز بەلكىم ۋوردپرەس رەسمىي تور بېتىدىكى مۇنبەرنى دەيسىزغۇ دەيمەن. ئۇ پەقەت ۋوردپرەسنى قاچىلاش ۋە ئىشلىتىش جەريانىدا ئىشلەتكۈچىلەر يولۇققان مەسىلىلەر ھەققىدە پىكىر ئالماشتۇرىدىغان جاي. ھازىرچە ئۇنىڭدا ھېچقانداق يازما يوق. لېكىن ئىنگىلىزچە مۇنبەردە نۇرغۇن بىلىملەر بار. خالىسىڭىز كۆرۈپ بېقىڭ.
    https://wordpress.org/support/

    ئەمدى سىز ئېيتقان ئۇيغۇرچىلاشتۇرۇلغان مۇنبەرگە كەلسەك، مەن ئۇنى سىناپ باقمىغان، لېكىن ئۇنىڭ ئىقتىدارىنىڭ ۋوردپرەس رەسمىي تور بېتىدىكى مۇنبەردىن كۆپ ئىكەنلىكىگە ئىشىنىمەن. ئەگەر ئادەتتىكى مۇنبەر بولسىلا كۇپايە دېسىڭىز، مەندە ۋوردپرەس رەسمىي تور بېتىدىكى مۇنبەرنىڭ ئەسلى كودى بار، ئەۋەتىپ بەرسەم بولىدۇ. شۇغىنىسى ئۇنىڭ كۆرۈنۈشىنى سەل ئۆزگەرتمىسە بولمايدىغاندەك ھېس قىلغانىدىم.
    يەنە قانداق پىكىر- تەكلىپلىرىڭىز بولسا قاچانلا بولسا بىزگە يەتكۈزسىڭىز بولىدۇ. ھەمكارلىشىشىڭىزنى قىزغىن قارشى ئالىمىز.

    مۇرشىدى
    ۋوردپرەس ئۇيغۇرچە تەرجىمە گۇرۇپپىسى

  3. بۇ قېتىم بۇرۇنقى نەشرىدىن 2.9 نەشرىگە يېڭىلاپ سىناپ بېقىشقا شارائىتىمىز يار بەرمىدى. شۇڭا سىناپ باققۇچىلارنىڭ پىكىر- تەكلىپلىرىگە جىددىي ئېھتىياجلىقمىز.
    ھەر قانداق مەسىلە كۆرۈلسە ئېلخەتتە ياكى بۇ يەردە ئىنكاس قىلىپ قويۇشىڭىزنى ئەمىد قىلىمىز.

    مۇرشىدى
    ۋوردپرەس ئۇيغۇرچە تەرجىمە گۇرۇپپىسى

  4. سالام دوستۇم. بۇ سېستىمىنى بەكمۇ ياخشى تەرجىمە قىپسىلەر. كۆپ رەھمەت ئېيتىمەن.
    بىر كىچىك مەسىلە بارمۇ قانداق. مەن Slidette 1.0.1.1 نەشرى دىگەن ئۇسلۇبنى ئىشلەتمەكچى بولغان. لېكىن بۇ ئۇسلۇبتا قوشۇلغان بولغاچقا، بۇ ئۇسلۇبنى تاللىساملا باشقۇرۇش سەھنىسىنىڭ سول تەرەپ ئەڭ ئاستىدا slidette دەيدىغان تەڭشەش ئۈسكۈنىسى پەيدا بولدى. ئەسلىدىكى ئۇسلۇب چۈشەندۈرۈشىدە بۇ تەڭشەش ئۈسكۈنىسى ئارقىلىق sideshow نىڭ قايسى بەتتىكى ماقالىلەرنى كۆرسىتىدىغانلىقىنى تەڭشىگىلى بولاتتىكەن، لېكىن مەن بۇنى تەڭشىمەكچى بولسام، ئۇ يەردا ئارانلا بىر تاللاش چىقتى، دېگەن بەت. لېكىن مەن بۇنداق بەتنى قۇرمىغان. بۇنى قانداق ئوڭشىساق بولىدۇ؟ ياردەم قىلسىڭىز. رەھمەت.

  5. ياقتۇرۇپ ئىشلەتكىنىڭىزگە كۆپ رەھمەت!
    سىز ئېيتقەن مەسىلىنى بىز تەكشۈرۈپ سەۋەبىنى تېپىپ بىز سىناپ بېقىپ خەۋىرىنى بېرەيلى.
    مۇمكىن بولسا تور ئادرېسىڭىزنى قالدۇرسىڭىز.
    سىزگە ئاۋارىچىلىق ئېلىپ كەلگەنلىكىمىزدىن خىجىلمىز.

    مۇرشىدى
    ۋوردپرەس ئۇيغۇرچە تەرجىمە گۇرۇپپىسى

جاۋاب يېزىش